قصة صارت معي✔
قصة صارت معي✔

قصة صارت معي✔

@Story01

#قصة_صارت_معي
حدا جرب هالشعور ؟؟
انك تمر من جنب محل احذية تشوف راتبك مكتوب فوق صرماية 🙂

#قصة_صارت_معي

الولد يلي دأحكي عنو أغلب اهل حلب بيعرفوه ويلي مابيعرفو اكيد سمعان قصتو وقصة قتلو
لما كنت بالسابع كانت مدرستي عند القلعة وعطريقنا نشوف ولد عمرو بحدود ال12 سنة وكان في عندو كتلة حجما كبير اكبر من كف الايد تحت عينو وكان يبيع علك عأطراف القلعة
هو كان منظرو بخوف كتير وماكنا نحسن نقرب منو
ضلينا عهالحالة فترة وكل يوم نشوفو
مرة حاولنا نحكي معو مارد علينا ومرة على مرة نتقرب منو وبلشنا نحكي معو ونفهم منو وين أهلو ووين ساكن لنحسن نسألو عن هالشي يلي تحت عينو لانو ماكنا نعرف اش هاد
بركنا وحكالنا قصتو وقلنا انو هو خلق وتحت عينو هالكتلة وانو طفش من البيت وهو عمرو 8 سنين من قد ما قرايبينو كانو يتمسخرو عليه حتى اوقات اخواتو يضحكو عليه
قرر يطفش من البيت ويشتغل ببيع العلك والمحارم والمي والذي منو وكل يوم بدبر محل ينام فيو ليجمع مصاري ويكبر ويعمل عملية لعينو ويصير متلو متل باقي الناس
الولد حباب وقلبو طيب ومابيأذي حدا حتى كان في اولاد يضحكو عليه ويضربوه ومايحكي معن شي
صرنا كل يوم نحكي معو ونسألو كيفو ماكيفو واش لازمو
بعد فترة شفتو بمنامي هو بيرك بغرفة وشفت انو حوليه عالم يلي هنن قرايبينو وهاد يلي عبيضحك وهاد يلي قرفان منو
فقت مرعوب
تاني نهار حكيت قصتو كلا لاهلي واخدتن لمحل مابيتواجد وفرجيتن ياه
ابي عندو قرايبو كان عبيدرس طب برا ومابقيلو شي ليتخرج
تواصل معو ووعدو انو هو ورفقاتو ان شاء الله بس يتخرجو بيتكفلو بوضعو وبيعملولو العملية
بعد سنتين بلشت الأزمة بسوريا ونسينا القصة والله وهاد قرايبنا كان متخرج ورجعان
بقى حلب انقسمت لنصفين وكان في معبر بالنص
بعد فترة عدينا من هنيك وشفناه عببيع شغلات عالمعبر
حكينا معو وسألناه عن حالو وقلنالو مشان العملية وهو فرح كتير والله
قلنالو وين عبتضل كيف ننعرف عنوانك قال انا كل يوم هون
حكينا مع الدكتور مشانو وقال ان شاء الله جمعتين ومنكون جاهزين
بعد جمعتين رحنا محل مابيتواجد مالاقيناه وسألنا عنو قال الو كم يوم ماحدا شافو وضلينا نسأل عنو كتير بس عبث
بعد شهرين انا رايح عالجامع عصلاة الجمعة شفتو عببيع محارم عباب الجامع حكيت معو ووينك ماوينك قال كان عبيشتغل بالشام بس ماحسن يضل هنيك ورجع عحلب
قلتلو خليك هون بس لنخلص صلاة قلي تمام
ونحن عمنصلي منسمع اصوات عالية
الشيخ كمل والعالم طلعت لبرا عساحة الجامع
شفنا زلمة معو سكينة عليها د.م وعبقول هاد هو الاعور الدجال انا قتلتو
والولد مد.بوح والد.م معبي ساحة الجامع
عالم مسكو الزلمة وعالم شالو الولد واخدوه عالمقبرة
رجعنا المغرب والمنطقة هادية كتير دخلنا عالجامع كان مغسول من الدم وكأنو زعلان عالشي يلي صار الضهر😐
لهلق القصة مابتروح من بالي ومن وقتا لهلق مرتين شفت الولد بمنامي بس بدون كتلة
هو عاش حياتو كلا مظلوم وكان بيحلم يساوي العملية ويعيش متلو متل باقي العالم
بس نصيبو كان اكبر من هيك وهلق هو بجنان النعيم ان شاء الله
الله يرحمو ويغفرلو وينتقم من يلي دبحو👑

قصة طريفة 😅😊⬇️

عندي واحد من رفقاتي بالجيش اذا ما كذب باليوم ١٣ الف كذبة مابقدر يتنفس..
قال مرة بزماناتو كان طالع يسهر ع جبل قاسيون هو ورفقاتو عالمتورات وكانو كلن مركبين ضو زنون ابيض وفجأة بتنقطع الكهربا بسوريا قامو كل واحد اخد جهة وشغل ضو متورو وأضو الشام كلا وصارت العالم تسفقلن وطلع السيد المحافظ وكافئهن لكل واحد 50 الف بهل عمل الانساني الفظيع..
المشكلة انو انا بعرفو كذاب بس بسكت كرمال ما اكسر بخاطرو ..
بس لما نكون قاعدين بمجلس زلم بصير اهكل همو لا يروح يكذب كذبة كبيرة و نروح نتقلع من وراه..
مثلا هداك اليوم عم يقلي والله يا ابو جعفر انا بزماناتي عامل دورة ضفادع بشرية وفي مرة شكيت ببحر اللاذقية ضليت غوص لوصلت عالقاع قامت ضربت عيني ع شي عم يلمع وإذ بيطلع سنسال دهب ف اخدتو ورجعت ولما وصلت عسطح البحر طرق راسي بحجر طلع شاطئ ارواد وماعندي خبر...
ومرة يا ابو جعفر تعرفتلك ع صبية بالبكلوريا بتشق شق..قلتلو يازلمة انت تاسع ما معك كيف درست بكلوريا قلي مين قلك ما بحقلك تقدم بكلوريا بلا تاسع يا غشيم قلتلو طيب ياسيدي كفي قلي ضلت البنت وراي لحتى اخدت رقمي وطبقتني ولهلق منحكي كأصدقاء وهي قدامك رح دقلا المهم ضل يدق ساعة ماحدا رد عليه..
والمشكلة كل ماحدا من شباب المهجع جاب سيرة ضابط بالبلد بنط فورا وبقول انا شربان متة معو..مافي فرع امن او قطعة او كتيبة عسكرية الا والو قرايبين او اخوة او ضباط فيا..
الكذب مرض والاخطر من الكذب انو الكذاب يصدق حالو وينفش بحالو..
عم اكتب هالبوست وليكو قاعد قبالي عم يشرحلي كيف بيجي طفل الانبوب لان حتى بهل شغلات بدو يعمل حالو فهمان..قال طفل الانبوب اسمو هيك لان لما يجي الولد بحطوه بقنينة مي متل قنينة البقين وبدحشولو بتمو بربيش مشان يطعموه ويشربوه ويخروه عن طريقو 😅🙂😂😂💔

يللي فاته العصر الحجري والعصر القديم والعصور الوسطى يجي على سورياا عاملين مراجعة...
#قصة_صارت_معي❤

يعطيكون العافية اصدقائي راح نوقف النشر لحتى يرجع تفاعلكن لانو متراجع كتير كل حدا شاف هالبوست يحط لايك وتعليق لنعرف مين عم يتابع صفحتنا❤
كل_الحب_والتقدير_للمتابعين❤